Aidan blue

Ez, jakina, egun guztiak ez dira berdinak. Ezin da egunero batek ohizkoa duen alaitasuna erakutsi. Auskalo zergatik, agian burutzeko zuen bidaia horren asmo guztiak pikutara joan direlako, edo, beharbada gaur goizean irakurri berri dituen Paveseren bertso hunkigarri horiek direla eta, edo baliteke Nadiak Erromako ikastaro horretan gehiegi diharduelako izatea baina, gaur ezagutzen dugun Aidan kementsu eta zoriontsua erabat, berak maiz esaten duen moduan, «blue» daukagu. Mari Darinek, Aidan eta bion aspaldiko lagun jatorrak, atzo kontatu zidanez beste egunean Arrantzaleen hondartzan eta euripean txakurtxoarekin paseatzen ikusi zuen. Eguraldi zatarra zegoen baina Marik ez zion ezer esan, ongi daki holan dabilenean hobe dela bere baitan lagatzea. Dena den, Aidanekin ez dago inoiz arazorik, ezagutzen ditugunok egun batetik bestera beltz-beltzenetik txuririk txuririenera igarotzeko gai badela badakigu ere.