hiperlaburra: «Bera eta bestea»

Hainbeste miresten zuen, ezen besteak zeukan bizartxo berdintsua ere utzi egin zuen. Pozaren pozez itxura berria erakustera hurbildu zitzaion. Bestea, zegoenekoz, biboteduna zen. Are gehiago, besteak eraman ohi zuen larruzko zamarra flekodun berdin berdintsua erosi zuen egun berean, kalean topatu zuen bestea koadrozko amerikanaz eta garaiz kanpoko gorbataz jantzita zebilela. Berak bere betiko nortasunera itzuli nahi izan zuenean eta Cernudaren bertso haiek irakurtzen hasi zitaionean, besteak etendu egin zion, hasitako poema buruz gogoratzen zuela bukatuz. Eta berak bere garagardoa eta besteak bere koinaka bukatu zutenean, elkarrekin begiratu zituzten izarrak.